Винисиус денеска во Катар добива наследник!

16 декември 2025 - 10:27

Светската фудбалска федерација ФИФА денеска на свечена церемонија во Катар од 18:00 часот ќе ги прогласи најдобрите за изминатата година.

ФИФА ќе го избере најдобриот фудбалер кој ќе биде наследник Винисиус Жуниор кој минатата година го освои признанието, но сега не во конкуренција. Кандидатите се: Ламин Јамал, Педри, Рафиња, Мбапе, Витиња, Мендеш, Хакими и Дембеле кој минатата година ја освои „Златната топка“.

Според најавите на церемонијата ќе бидат присутни околу 800 гости, меѓу кои и првиот човек на ФИФА, Џани Инфантино.

Покрај наградата за најдобар фудбалер ќе се избере и уште: Најдобра фудбалерка, гол на годината, тим на годината...

Изборот се врши со глаање во кое  подеднаква тежина имаат гласовите на навивачите капитените, селекторите и претставниците на медиумите.