Шкендија со триумфот над Шелбурн си заработи - 400.000 евра!

23 октомври 2025 - 21:54

Македонскиот фудбалски шампион Шкендија запиша победа против Шелбурн, откако гостите си постигнаа автогол во 92. минута во второто коло од Конференциската лига на УЕФА.

Шкендија со тоа ги освои првите бодови во елитното клупско натпреварување, но заработи и 400.000 евра за победата против Шелбурн, колку што предвидува УЕФА за секој триумф во главната фаза од Конференциската лига.

Тетовци во третото коло ќе се соочат против Јагелонија на 6 ноември од 21 часот.