Икарди по девет месеци се врати на теренот и даде гол по само – шест минути (ВИДЕО)

16 август 2025 - 08:49

Екипата на Галатасарај ја продолжи победничката серија во новата сезона, откако синоќа убедливо го совлада Карагумрук (3-0), во меч што беше одбележан со враќањето на Мауро Икарди, кој својот камбек го обележа со погодок.

Аргентинскиот напаѓач се врати на терените по повеќе од девет месеци пауза поради повреда на лигаментите. Икарди, кој последен пат настапи лани на почетокот на ноември, влезе во игра во 81. минута, а само шест минути подоцна се запиша меѓу стрелците, со што само ја потврди победата на тимот. Ова беше негов прв гол уште од минатиот октомври, кога погоди во Лигата на Европа против Елфсборг.

Минатата сезона, пред повредата, Икарди одигра 14 натпревари и постигна шест погодоци.

ФОТО: X / @cimbomparcalitr