Барселона го „врза“ Кунде најмалку за следните пет години!

16 август 2025 - 10:48

Екипата на Барселона го продолжи договорот со францускиот дефанзивец Жул Кунде до летото 2030 година, соопштија од каталонскиот клуб.

Станува збор за 26-годишен фудбалер, кој на „Камп Ноу“ пристигна во 2022 година од Севиља и брзо се наметна како стандарден првотимец. Францускиот репрезентативец може да игра и како десен бек и како централен дефанзивец.

Во минатата сезона одигра 53 натпревари во сите натпреварувања, при што постигна четири гола и запиша осум асистенции.

ФОТО: EPA PHOTO