Ѓоко Хаџиевски го донесе својот внук во Спартак Варна

26 јули 2025 - 11:56

Трофејниот македонски стручњак Ѓоко Хаџиевски од неодамна е тренер на бугарскиот прволигаш Спартак Варна, а заедно со него во тимот ќе биде и внукот Георг Стојановски.

Станува збор за 21-годишен напаѓач кој пред пет години дебитираше во првиот тим на Вардар, а потоа играше и за Тетекс, Хата клуб од Дубаи, Работнички и Шкупи. Тој му е внук на Хаџиевски од највозрасната ќерка.

Спартак Варна има проблеми со напаѓачи бидејќи на таа позиција се само Даниел Халачев и Колако Џонсон. Вториот е Либериец и има проблем со пасошот поради што уште не може да дебитира за тимот од Црното море.