Работнички не се откажува: Имаме голем мотив да ја анулираме негативата

На првиот меч кој се одигра минатата недела во Унгарија, нашиот тим доживеа убедлив пораз со 0-3, но никој не смета дека шансите се загубени. Тренерот Бојан Марковски е оптимист дека може да се направи пресврт и Работнички да излезе како победник од овој двомеч.

 „Нѐ очекува реванш против Торпедо-Белаз, сега имаме комплетна слика за ривалот, а се надеваме дека ние ќе одиграме многу подобро отколку на првиот меч. Нема да размислуваме за резултатот, не заслуживме таков пораз, ќе се фокусираме на играта и ќе се трудиме да бидеме многу поконкретни. Верувам дека тимот ќе биде на потребното ниво и апсолутно не се предаваме, има уште 90 минути во кои Работнички има што да покаже, со мотив да ја анулираме негативата“, вели Марковски.

Слично размислува и Бесир Демири кој очекува многу подобро издание на неговата екипа во Скопје.

 "Знаеме дека мораме подобро од првиот меч во Унгарија. Торпедо-Белаз е квалитетен тим, но мислам дека ние можеме да одиграме многу подобро отколку првиот меч. Ако ги сведеме нашите грешки на минимум, и ако ги исполниме во целост тактичките замисли на стручниот штаб, можеме да се надеваме на многу подобар резултат“, рече Демири.