Чудна фотка на Челси: „Ова е косата која предизвика најбизарен фаул во историјата!“ (ФОТО)

14 јули 2025 - 12:10

Фудбалерите на Челси го освоија трофејот на Светското првенство за клубови (СКП), совладувајќи го синоќа ПСЖ (3-0) во финалето на првото издание од турнирот во нов формат, кое се одржа во САД.

Хероите на финалето беа Кол Палмер, кој постигна два гола и Жоао Педро, со што „сините“ од Лондон стигнаа до својата прва светска титула. Натпреварот не помина без контроверзи, откако пред самиот крај, фудбалерот на ПСЖ, Жоао Невеш, доби директен црвен картон откако го повлече за коса дефанзивецот на Челси, Марк Кукуреља.

По мечот, „сините“ од Лондон на социјалните мрежи реагираше со необична објава – фотографија од карактеристичната фризура на Кукуреља без никаков опис, што дополнително ја разгори дебатата меѓу навивачите.

„Ова е косата која предизвика најбизарен фаул во историјата!“, беше еден од најлајкуваните коментари под објавената фотографија.

ФОТО: EPA PHOTO