Рома и официјално има нов тренер – творецот на чудото од Бергамо!

Тој ќе го води тимот од италијанската престолнина најмалку до летото 2028 година, а во клупското соопштение се истакнува дека е познат по својата иновативна тактика, силна работна етика и способност да развива играчи. Сопствениците на клубот, како и поранешниот тренер Раниери, веруваат дека токму тој е вистинскиот избор за водство на тимот.

„Рома има чест да објави дека Џан Пјеро Гасперини е новиот стратег на првиот состав. Добредојде, тренеру! Форца Рома“, стои во официјалната изјава на клубот.

Гасперини доаѓа во Рома по долга и успешна етапа како тренер на Аталанта, клуб кој го трансформираше во еден од најатрактивните и најконкурентни тимови во Серија А. Аталанта под негово водство кое почна во 2016 година, трипати заврши во меѓу четирите најдобри во италијанскиот шампионат и редовно настапуваше во европските натпреварувања, вклучувајќи го и историскиот трофеј во ланското издание во Лига Европа. Двапати беше избиран и за тренер на сезоната во Серија А и тоа во 2019 и 2020 година.

ФОТО: AS ROMA