Два европски гиганти му нудат договор на Роналдо на - еден месец!

09 мај 2025 - 07:20

Португалскиот фудбалер Кристијано Роналдо повторно е во центар на внимание затоа што две екипи се подготвени да му понудат договор на еден месец.

Челси и Манчестер сити ќе настапат на Светското клупско првенство, па премиерлигашите сакаат звучно засилување за турнирот.

Двата европски гиганти наводно се подготвени на Роналдо да му понудат договор на еден месец, по што Португалецот би можел да ја продолжи кариерата во Ал-Наср.

Светското клупско првенство ќе се одржи во период од 15 јуни до 13 јули годинава.

Фото: Al-Nassr FC/FB