Мота за отказот во Јувентус: Кој кажува такво нешто лаже!

Не успеа Мота да помине ниту една сезона на клупата на „старата дама“, но сепак времето во Торино не го оценува како лош период.

„Работата ја прифатив со голем ентузијазам, знаев дека тоа е тригодишен проект и така влегов во него, но не ми беше дадено доволно време. Сепак, знам и дека кога сте во клуб како Јувентус мората да победувате бидејќи резултатите се единствено нешто што се брои. Имавме комплетно нов тим и многу повреден, не бевме далеку од првата цел, меѓутоа одлуката на клубот беше таква и јас ја почитувам“, изјави Мота.

Сепак, едно прашање го налути.

„Тој што вели дека соблекувалната била против мене, тој е лажго. Ниту еден фудбалер немал проблем со мене, имав одлична врска со сите во тимот. Ги прифаќам критиките кои ги добив како тренер, но не ги прифаќам работите кои се врз основа на шпекулации“, истакна италијанскиот стратег.