„Кој го сака Шишковски, да плати два милиони евра!“

27 март 2025 - 11:46

По заминувањето на првиот голман Филип Манојоволиќ на голот на Борац во вчерашното дерби во кое Борац славеше над Сараево шанса доби македонскиот чувар на мрежата, Дамјан Шишковски.

Шишковски од доаѓањето во Борац беше втора опција и најголем дел од натпреварите помина за клупата на резерви, но вчера го покажа својот квалитет.

Беше одличен на голот и не дозволи да биде совладан, а каков настап имаше доволно зборува објавата на социјалните мрежи на тренерот на голманите на Борац, Синиша Маркобрада.

„На продажба, цената е фикасна. Два милиони евра“, стои во објавата со фотографијата од Шишковски.

По вчерашната победа Борац дојде до 54 бода со кои е на втората позиција, додека Зринњски е лидер со 57, Сараево со 46 е на третото место.