Феликс нема да остане во Милан, а не му е сигурна иднината ниту во Челси

01 април 2025 - 19:43

Португалскиот фудбалер Жоао Феликс блесна на почетокот на позајмицата во Милан, но влезе во лоша форма и во моментов делува како големо разочарување во редовите на италијанскиот гигант.

Иако имаше шпекулации дека Милан би можел да го откупи, сепак по натпреварот против Наполи (1-2) стана јасно дека Феликс нема да остане во Серија А.

Раководството на Милан не е задоволно од настапите на Феликс и реши да го врати во Челси на крајот на сезоната, а иднината на Португалецот не е сигурна ниту во Лондон.

Лондонскиот гигант допрва треба да реши што ќе направи со Феликс, односно дали ќе го задржи или продаде во текот на летниот преоден рок.