Ќе има Ел Класико финале, Барса го победи Атлетико во Мадрид! (ВИДЕО)

Барселона со 1-0 го победи Атлетико Мадрид на Ванда Метрополитано и се пласира во финалето од Купот на Шпанија каде што ја чека најголемиот ривал, Реал Мадрид.

Во првиот полуфинален дуел меѓу Барса и Атлетико имаше дури осум голови, но денеска во Мадрид само еден.

Тој го постигна Феран Торес во 27. минута по асистенција на Ламин Јамал.

Барселона до крајот на мечот успеа да ги одбие налетите на Атлетико Мадрид и се пласираше во финалето.

А финалниот дуел од купот оваа сезона ќе биде спектакуларен, тоа ќе биде Ел Класико меч меѓу Реал Мадрид и Барселона.