Судењето заврши, обвинителството бара речиси пет години затвор за Анчелоти!

Судењето на Карло Анчелоти за даночна измама заврши денеска. Обвинителите останаа на своето барање тој да биде казнет со затвор од четири години и девет месеци за наводно криење на приходите од даночната служба.

Се работи за даночно затајување од околу еден милион евра.

Останува да се види каква ќе биде пресудата за Анчелоти, но речиси и никој да не очекува дека Италијанецот ќе заврши зад решетки.

Останатите фудбалски ѕвезди кои поради исти причини беа судени, завршуваат со условни затворски казни.