Челси понудил 70 милиони евра за 18-годишен талент на Реал Мадрид!

03 април 2025 - 14:35

Екипата на Реал Мадрид обезбеди пласман во финалето на шпанскиот Куп, откако во драматичен реванш против Реал Сосиедад одигра 4-4 по продолженијата, а до пласманот понатаму дојдоа благодарение на победата на првиот натпревар (1-0) на теренот на противникот.

Еден од клучните фудбалери на оваа средба беше 18-годишниот бразилски талент Ендрик, кој го постигна првиот гол за Реал. Младиот напаѓач, кој ја игра својата прва сезона во клубот, досега настапи на 29 натпревари, најчесто како резерва, собирајќи 562 минути на теренот и постигнувајќи седум погодоци.

Според шпанскиот медиум „Дефенса централ“, веднаш по средбата на „Сантијаго Бернабеу“ пристигнала понуда од 70 милиони евра за Ендрик, наводно испратена од Челси. Лондонскиот клуб, кој активно бара нов напаѓач за следната сезона, верува дека Бразилецот е идеалното решение и е подготвен да му понуди клучна улога во тимот.

„Кралевите“, сепак, засега немаат никаква намера да го продадат Ендрик, кој има договор со клубот до 30 јуни 2030 година.