Ла Лига не се откажува - ќе се жали на одлуката на судот за Олмо и Виктор!

03 април 2025 - 18:06

Барселона и Ла Лига речиси цела сезона се во војна поради регистрацијата на Дани Олмо и Пау Виктор.

Судот уште еднаш потврди дека Олмо и Виктор немаат пречки да бидат регистрирани до крајот на сезоната. Барселона ја прослави добиената битка со Ла Лига, но од претседателот на лигата, Хавиер Тебас нема намера да се откаже.

Ла Лига соопшти дека ќе ја обжалат одлуката на судот за регистрацијата на Олмо и Виктор.

Тие ќе се обидат да ја истераат својата правада и да докажат дека Олмо и Виктор немаат право да бидат регистрирани, нивната лиценца истекла на 31 декември 2024.

Засега на сила е одлуката на судот, па двајцата фудбалери слободно можат да настапуваат за каталонскиот тим.