ЕХФ одлучи: Партизан и АЕК ќе играат во Бугарија и тоа рано во денот!

02 април 2025 - 21:28

Ракометниот реванш од четвртфиналето во Европскиот куп меѓу Партизан и АЕК кој не се одигра во Србија, ќе се игра во Бугарија.

Во првиот меч АЕК победи со 27-22, а на реваншот гостинските ракометари се исплашија од пиротехниката на навивачите на Партизан, па не искочија да го играат натпреварот. Дуелот беше одложен.

Се шпекулираше дека мечот би можел да се игра во Скопје, но ЕХФ денеска пресече и решено е да се игра во бугарскиот град Шумен на 7 април, со почеток од 11 часот.