„Кралевите“ денеска ги чека едно од најтешките гостувања во поновата историја

15 март 2025 - 11:57

Реал Мадрид денеска гостува на екипата на Виљареал, а иако „кралевите“ во натпреварот влегуваат како фаворити, сепак поновата историја покажува дека задачата за нив нема да биде лесна.

Имено, на последните девет гостувања во Ла Лига кај Виљареал Реал Мадрид има само една победа, шест нерешени натпревари и два порази.

Последен пат на гости во шпанското првенство Реал го победи Виљареал во 2017 година кога беше 2-3, тогаш головите за „кралевите“ ги постигнаа Герет Бејл и Кристијано Роналдо од пенал, а на клупата седеше Зинедин Зидан.

Реал Мадрид славеше на гости кај Виљареал во 2023 година, но тоа беше натпревар од Копа дел Реј.

Виљареал сезонава игра добро во Ла Лига и е петти на табелата со 44 бода, додека Реал Мадрид има 57, колку и лидерот Барселона.