Ретклиф издвои пет ѕвезди кои не заслужуваат да играат за Јунајтед

11 март 2025 - 11:19

Манчестер јунајтед има една од најлошите сезони во Премиерлигата, а ко-сопственик сер Џим Ретклиф зборуваше за предизвиците со кои се соочува англискиот гигант.

Ретклиф кажа дека дел од фудбалерите не заслужуваат да го носат дресот на „црвените ѓаволи“, а дел од нив се преплатени и не ги оправдале очекувањата.

На списокот на Ретклиф се најдоа пет ѕвезди, кои скапо го чинеле премиерлигашот и смета дека треба грешките да се поправат во иднина.

Бизнисменот смета дека фудбалерите како Касемиро, Расмус Хојлунд, Антони, Џејдон Санчо и Андре Онана не се доволно добри да играат за премиерлигашот.

Санчо и Антони веќе заминаа на позајмица, додека останатите тројца често добиваат критики поради лошите настапи за тимот.