Еден од најдобрите футсал играчи во историјата пред трансфер во Србија?!

05 февруари 2025 - 14:22

Eден од најдобрите футсал играчи, Португалецот Рикардињо би можел да направи трансфер во Србија и тоа во редовите на КМФ Смедерево, пренесува „Мердијан спорт“.

Според информациите, Рикардињо ги започнал преговорите со српскиот клуб кој има голема желба да го ангажира.

Португалецот во Србија би пристигнал како слободен играч откако му истече договорот со италијанскиот Еко сити. Како единствен проблем кој би можел да го спречи трансферот се наведуваат финаниските услови кои ги поставил шесткратниот добитник за најдобар футсал играч во годината.

Инаку, Смедерево е тим кој се наоѓа на четвртото место во шампионатот на Србија пред него се: Бањица, Лозница и Винтер спорт.