Иако Баерн загуби со 80 проценти посед, Компани е искрен: Феенорд заслужи да победи!

Баерн Минхен имаше дури 80 проценти посед на топката, создаде многу повеќе шанси од противникот, а Феенорд ги реализираше своите три и убедливо го доби мечот.

„Треба да бидам искрен, Феенорд заслужи да победи. Тие се бореа напорно и трчаа. Ние имавме многу шанси, мислам дека можевме да постигнеме повеќе голови. Феенорд ги искористи моментите кои му се укажаа. Индивидуално и колективно не одигравме доволно добро. Најдобрата работа е што за неколку дена имаме друг натпревар и можеме да покажеме реакција“, вели Компани.

Тој вели дека не биле изненадени од играта на Феенорд, едноставно не успеале да победат.

„Не, не бевме изненадени. Сме играле против ваков тим на тимови. Често наоѓаме решение, наоѓаме добри моменти, но денеска не ни одеше. Трчавме, се боревме, дадовме се за да одиграме добар меч, но перформансите не беа добри. Феенорд ги искористи своите моменти, ние исто така имавме свои моменти но не ги искористивме“.