Револуција во боксот: Во борбата на Усик и Фјури ќе се користи и - вештачка интелигенција!

Предвидено е борбата да започне во 22 часот, а во неа Усик влегува како светски шампион додека Фјури ќе се обиде да му се реваншира за поразот во првата борба на 17 февруари оваа година.

Саудискиот промотор Турки Алашик кој е десна рака на принцот Мухамед Бин Салман и важи за алфа и омега во саудискиот спорт на социјалните мрежи објави револуционерна вест.

For the first time ever, an AI-powered judge will monitor the fight 🤖 Free from bias and human error brought to you by The Ring. This groundbreaking experiment, which won’t impact the official results, debuts during the biggest fight of the century, #Usyk2Fury, on December 21 🥊… pic.twitter.com/RdslVlBLRC

— TURKI ALALSHIKH (@Turki_alalshikh) December 17, 2024

Имено, тој потврди дека во борбата помеѓу Усик и Фјури за првпат ќе се користи вештачка интелигенција во бодувањето. Како што истакна Алашик на тој начин бодувањето ќе биде „непристрасно и без можност за човечка грешка“.

Но, исто така напомена и дека резултатите од вештачката интелигенција нема да влијаат на официјалните резултати од борбата.