„Би-Би-Си“: Дуплантис е спортистот на годината за 2024!

18 декември 2024 - 17:48

Реномираниот британски медиуми, „Би-Би-Си“ на церемонија во Лондон ги избра најдобрите спортисти за 2024 година, а на врвот се најде Швеѓанецот Арманд Дуплантис.

Дуплантис зад себе има фантастична година во која неколку пати го подобруваше сопствениот рекорд и ја освои олимписката и европската титула во скок со стап.

На листата зад Дуплантис завршија: Гимнастичарката Симон Бајлс, кошаркарката Кејтлин Кларк, швајцарската тркачка со инвалидски колички Кетрин Дебрунер, атлетичарката од Холандија Сифан Хасан и францускииот пливач Леон Маршан.

Минатогодишен добитник на ова престижно признание беше напаѓачот на Манчестер сити, Ерлинг Халанд.