Реал Мадрид шести пат е светски првак – шоу на Мбапе и Винисиус (ВИДЕО)

Европскиот шампион ја отвори серијата во 37. минута, кога Килиан Мбапе реализираше по прецизната асистенција на Винисиус Жуниор. „Кралевите“ со минимална предност заминаа на пауза, а во второто полувреме ја завршија работата без изненадувања. Родриго во 58. минута го удвои водството по ефектна индивидуална акција, претходно одлично проигран од Мбапе. Конечниот резултат го постави Винисиус Жуниор во 84. минута, со што ја заокружи доминантната игра на шпанскиот гигант.

Пачука имаше само една сериозна шанса пред голот на Тибо Куртоа, но не успеа да се наметне како закана. Мексиканскиот состав беше видливо инфериорен, а поразот беше неминовен. Со оваа победа, Реал Мадрид ја освои својата шеста титула од Светското клупско првенство или Интерконтиненталниот куп. Од следната година, овој турнир ќе добие нов формат со учество на 32 екипи.