Драма во Истанбул: Галатасарај со гол во 98. минута го реши Трабзонспор (ВИДЕО)

16 декември 2024 - 21:54

Дербито меѓу Галатасарај и Трабзонспор (4-3) во 16. коло од турската Суперлига го одбележа голема драма, но и погодок во 98. минута за победа на лидерот во шампионатот.

Возбудувањата почнаа во осмата минута кога Дрис Мертенс погоди за 1-0, а потоа Туфан израмни на 1-1 во продолжение од средбата. Галатасарај постигна и втор гол преку Акгун во 29. минута, додека гостите целосен пресврт направија на стартот на вториот дел.

Банза најпрво израмни на 2-2, а потоа Туфан постигна контроверзен гол за целосен пресврт на Трабзонспор, сепак Батшуаи од пенал го врати Галатасарај во игра за трите бодови. По голема драма Јилмас со автогол им донесе голема радост на лидерите на табелата.

Галатасарај има 41 бод на првото место во првенството, додека Трабзонспор е на 15. место со 16 бодови.