Трагедија: Навивач починал на градското дерби во Манчестер!

16 декември 2024 - 19:28

Манчестер сити го загуби градското дерби од Манчестер јунајтед со 1-2 во драматична завршница, а по натпреварот соопшти тажни вести.

„Граѓаните“ ја информираа јавноста дека еден нивни навивач го загубил животот. На мажот му се слошило по влегувањето на трибините, по што реагирале медицинските екипи, но не успеале да му помогнат.

„Еден навивач почина откако му беше укажана медицинска помош. Докторите се обидуваа да го реанимираат околу 20 минути, по што со возило на Итна помош беше пренесен во болница, но за жал почина“, соопштија од клубот.