Тодороски по најавата дека сака да игра за Македонија даде гол од – слободен удар (ВИДЕО)

19 октомври 2024 - 17:28

Потенцијалниот македонски репрезентативец, Андреј Тодороски, кој пред неколку дена најави настап за жолто-црвените веднаш по средување на документите, денеска беше во центарот на вниманието во северното соседство поради прекрасен гол од слободен удар.

Тој му донесе реми на Спартак Субитица на денешното гостување кај ОФК Београд (1-1) и тоа со погодок во 95. минута. Тој шутираше откосо, а топката откако удри во земјата успеа да го измами голманот и да влезе во мрежата за еуфорија кај сите во неговиот тим.

Тодороски е роден во Прилеп, но уште како дете со семејството заминал во Австрија. Од 2013 до 2020 година играл во младинскиот погон на Рапид, потоа вториот тим на Виена, па преку ФАЦ и Виенер направи трансфер во Спартак Суботица. Играчот има настапи за младинските селекции, по еден за У17 и У21 тимот. Оваа сезона Тодороски има четири гола во српската Суперлига.