Турда немоќна, Охрид победнички се врати во Европа

19 октомври 2024 - 20:39

Екипата на Охрид која по седум години повторно играше еден европски натпревар вечерва славеше победа против романска Турда на домашен терен со 31:25 и така си обезбеди одлична предност пред реваншот на гости во Романија.

Влезе македонскиот претставник како фаворит во натпреварот, а на крајот таа улога и ја оправда.

Охригаѓни имаа предност скоро во текот на целиот меч, гостите водеа само на двапати со 1-2 и 2-3.

По тие почетни минути Охрид одржуваше предност од 2-3 гола разлика со која замина и на паузата (18-15).

Веќе на стартот од вториот дел избраниците на Алушовски започнаа да го трасираат патот кон победата и брзо стигнаа и до предност од седум гола (28-21). Во тој момент победникот веќе беше решен и прашање беше само конечниот исход.