Димитриевски: Верувам дека и утре нема да примам гол!

12 октомври 2024 - 17:52

Македонската фудбалска репрезентација утре од 18 часот ѝ гостува на Ерменија во клучен натпревар за првото место од нашата група во Лигата на нации, голманот Столе Димитриевски е оптимистички расположен.

Македонија врза два натпревари без примен гол, а ако и утре не се затресе мрежата на Димитриевски за првпат ќе одиграме три меча во низа со празна мрежа.

„Со Шишковски кој играше во Ерменија разговараме за ерменските репрезентативци и подготвени сме за натпреварот. Секогаш детално анализираме без разлика кој е нашиот противник. Имаме одлична соработна со одбрамбените фудбалери на последните три меча и верувам дека и утре нема да примам гол. Сите натпревари се тешки, за сите се подготвувам на ист начин“, рече Димитриевски.