Втора победа за Работнички: Ѓуроски го наполни кошот на Шкупи

12 октомври 2024 - 21:27

Кошаркарите на Работнички ја запишаа втората победа во Првата лига, откако вечерва во СРЦ „Кале“ беа подобри од Шкупи со 81-73.

Шкупи беше подобар ривал на паркетот во првите 10 минути и водеше со 29-20, но Работнички потоа додаде гас и го сврте мечот во своја корист (51-39).

Работнички го одржуваше водството во продолжение од средбата, иако Шкупи неколку пати намали на неколку поени негатива. Така беше во финишот на третата четвртина (52-57), но и во завршницата од дуелот кога стигна до 73-76, но немаше сила за пресврт.

Стојан Ѓуроски беше најефикасен кај Работнички со 20 поени, седум скокови и три асистенции, додека Данило Аранитовиќ постигна 18 поени, осум скокови и четири асистенции за Шкупи.