Ѓорче Петров и Чаир ги дознаа следните ривали во Европскиот куп!

18 октомври 2022 - 18:28

Ракометните преставници на Македонија во европските купови во женска конуренција, екипите на ЖРК Ѓорче Петров и на ЖРК Чаир денеска ги дознаа следните ривали.

Ѓорчепетровки за противник го доби тимот на австриски Румс Џегс, додека чаирчанки ќе играат против екипата на Макаби Аразим, која во претходната рунда го елиминираше третиот македонски ривал, Куманово.

Првите натпревари од третата рунда ќе се одиграат на 3 и 4 декември, додека реваншите се на 10 и 11 декември.