Претседателот на УФЦ: Секој кој го почитува Хитлер не е нормален!

31 јануари 2025 - 11:10

Првиот човек на УФЦ, Дена Вајт кажа дека пофалните коментари на борецот Брајс Мичел за диктаторот Адолф Хитлер се грозни и истите нема да бидат толерирани.

Мичел неодамна во подкаст кажа дека Хитлер бил „добар човек“ и притоа даде контроверзни коментари кои предизвикаа реакција.

Вајт кажа дека зборувал со Мичел за кој смета дека нема доволно познавање од историјата.

„Веднаш зборував со него и му кажав што мислиме за тоа. Кажа грозни работи и навистина му е потребна лекција за Хитлер. Тој е еден од најлошите личности во историјата и секој кој го почитува не е нормален“, вели Вајт.