Уникс го декласира Енисеј, Димитријевиќ постигна 14 поени

16 март 2024 - 13:39

Уникс Казан запиша уште една победа во ВТБ-лигата, откако денеска славеше против Енисеј со 93-69, а македонскиот репрезентативец Ненад Димитријевиќ имаше солиден настап.

Димитријевиќ го заврши мечот со 14 поени, а притоа имаше и шест асистенции и четири скокови кои помогнаа за голем триумф.

Подобар од Димитријевиќ во составот на Уникс беше само Маркос Најт со 19 поени, додека на спротивната страна блесна Ксавиер Мејс-Ратан со 28 поени.

Уникс се наоѓа на првото место со 24 победи и седум порази, а зад нив е ЦСКА Москва со 23 триумфи и седум порази.