Шлаг на тортата: Кадетите со четврта победа по ред најавија борба за влез во елитното ЕП!

Пеколното второ полувреме одново беше главната причина за триумфот на жолто-црвените, кои вторите 20 минути од средбата ги добија со 16 поени разлика (48-32), што беше и тоа како доволно за триумф по изедначениот прв дел. Селекторот Александар Јованчев и пкрај можноста, сепак, не калкулираше премногу со минутажата на своите главни адути, кои му вратија со уште еден одличен настап.

Андреј Андоновски со 21 поен и девет скока и Марко Миловановиќ со 20 поени и 11 скока беа убедливо најдобри во нашиот состав, додека Лука Савичевиќ постигна 12, а Гоце Петрушевски 10 поени.

Утре е слободен ден, а наш противник во задутрешното четвртфинале речиси сигурно ќе биде Романија.