Поранешен талент на МЗТ ја внесе Швајцарија во финалето на СП во баскет!

29 јуни 2025 - 15:01

Репрезентацијата на Швајцарија славеше против Србија со 21-11 во полуфиналето на Светското првенство (СП) во 3х3 баскет, а зад големиот успех стои поранешниот талент на МЗТ и актуелен тренер Ервин Цого.

Цого заедно со неговите избраници направи големо изненадување и успеа да го елиминира нашиот северен сосед, со што си обезбеди борба за финале и титула.

Поранешниот кошаркар по големата победа не можеше да ги сокрие емоциите и се расплака на теренот.

Швајцарија за титулата на СП во баскет се бори против Шпанија.

Фото: Facebook/FIBA3x3