Јамал со ново барање до Барселона, сака да изведува - пенали и слободни удари!

29 јуни 2025 - 17:30

Талентираниот шпански фудбалер Ламин Јамал воодушеви со неговите настапи во дресот на Барселона, па поради тоа каталонскиот гигант реши да му ја додели „десетката“ за неговиот 18. роденден.

Јамал е свесен дека Барселона во него гледа како лидер за иднината, па сака да ја искористи можноста да добие поголема одговорност, но и можност да постигнува повеќе голови во иднина.

Шпанскиот репрезентативец побарал од управата на Барселона од следната сезона да биде главен изведувач на слободни удари и пенал.

Младиот фудбалер очигледно сака да постигнува повеќе голови, откако минатата сезона запиша 18 погодоци и 25 асистенции во 55 настапи за гигантот.

Фото: Facebook/FC Barcelona