Илиевски: Напредуваме од натпревар во натпревар

13 август 2025 - 20:37

Кошаркарската репрезентација на Македонија доживеа уште еден пораз во претквалификациите за Светското првенство, но селекторот Марјан Илиевски не е незадоволен од изданието на своите избраници на дуелот против Романија.

Нашиот тим на околу три минути пред крајот беше на само еден поен негатива и малку недостасуваше да направи изненадување.

„За разлика од претходниот натпревар против Унгарија, денеска нашиот млад тим покажа карактер и морам да бидам задоволен од играчите. Романија има далеку поискусни кошаркари и заслужено победи, но ние напредуваме од натпревар во натпревар“, изјави селекторот по мечот.