Нуркиќ распали по „Марка“: Кој кловн го составуваше „дрим-тимот“ на Југославија?

13 мај 2020 - 16:08

Југославија „се распадна“ пред многу време, но тоа не ги спречува новинарите, претежно од странство, да направат најдобар кошаркарски состав (и други спорови) кои денес настапуваат за репрезентациите на Србија, Хрватска, Словенија, Босна и Херцеговина, Црна Гора и Македонија.

Деновиве, шпанска „Марка“ го привлече вниманието, правејќи го најдобриот тим на „Југославија“ од денешните кошаркари на поранешните републики.

Во имагинарната селекција нема ниту еден Македонец, а во неа се Лука Дончиќ, Бојан Богдановиќ, Богдан Богдановиќ, Никола Јокиќ и многу други, а со оглед дека квалитетот не недостасува на ниту една позиција - се очекуваше некои од нив да „испаднат“ од 12-те најдобри.

Еден од оние што шпанскиот весник го „прегази“ е Никола Вучевиќ, ѕвездата на Орландо, кој оваа сезона еден од најдобрите центри во НБА-лигата. Црногорецот не го коментираше ова, но тоа го стори босанскиот кошаркар Јусуф Нуркиќ.

Брат, разбирам зошто јас не сум во него, но што имаат тие против тебе? „Марка“, само кажи ни кој кловн кој го направи овој тим?“, реагираше центарот на Портланд, поради игнорирањето на Вучевиќ.