Грчки кошаркар почина на 29 години – не успеа да ја победи тешката болест

Варитимијадис е бивш кошаркар на ПАОК и Трикала, кој ги мина сите репрезентативни селекции на Грција, а во кариерата играше уште и за Филипос, Умеа, БСВ Сиксерс, а последен клуб во кариерата му беше австриски Дорнбирн Лајонс.

„Млад играч, од спортско-кошаркарско семејство, прерано нѐ напушти. Веста за трагедијата на Александрос Варитимијадис ни предизвика голема тага. Александрос играше за ПАОК, храбро се бореше против болеста, која на крај се покажа непобледлива. Членовите на УО на федерацијата на Грција и претседателот Евангелос Лиолиос изразуваат искрено сочувство до семејството и блиските пријатели на Александрос. Зборовите не може да ја ублажат болката во овој момент“, објави кошаркарската федерација на јужниот сосед.

Од Александрос се прости и бившиот клуб Умеа, како и останатите клубови.

R.I.P Alexandros Varitimiadis
Alex was and is a fantastic person, who always showed his BIG heart and fighting spirit for his teammates, coaches, all the staff and the fans.
We want to give our condolences to his family, his relatives and friends.
Rest in peace dear brother pic.twitter.com/RYYxwV1i9c

— UMEÅ BSKT (@BasketUme) May 8, 2023