АБА лигата се прошири во Романија и Австрија, Морнар и Цибона дефинитивно испаднаа

Пред неколку месеци беше изгласано лигата да може да биде проширена на 20, но отпадна можноста да влезе Хапоел Тел Авив и евентуално уште еден клуб. Така нови членови на ова друштво се австриската Виена и романскиот Клуж, а Морнар и Цибона дефинитивно не добија доверба да останат во елитата. Нивната судбина во моментов е непозната бидејќи тие не се пријавени ни за учество во АБА 2. Нови членови на АБа лигата се Босна и Илирија кои изборија пласман преку второлигашката конкуренција.

Во исто време, извршена е ждрепката по новиот систем кој ќе биде промовиран претстојната сезона. Екипите ќе бидат поделени во две групи од по девет члена и сите ќе играат по 16 натпревари во првата фаза. 

Во групата А најзвучни имиња се Партизан и Дубаи, како и еден од дебитантите Клуж, додека Звезда, Будуќност, Олимпија и Виена се дел од групата Б.