Вардар без Талевски против Ла Фиорита!

Тренерот на Вардар, Гоце Седлоски за вечерашниот меч против Ла Фиорита нема да може да смета на херојот од Купот на Македонија, Михаил Талевски кој е повреден.

Вардар вечерва со почеток од 21 часот ѝ гостува на Ла Фиорита во реванш натпреварот од првото квалификациско коло од Конференциската лига.

Црвено-црните имаат предност од 3-0 изборена на првиот меч во Скопје, па се очекува денеска да имаат мирен реванш.

Седлоски се соочува со проблеми поради повредени играчи. Последната информација е дека Михаил Талевски отпадна поради повреда, а од иста причина мечот ќе го пропуштат и Најдовски и Фаустин Сегнор.