(ВИДЕО) Кливленд стигна до 15, само Голден Стејт е подобар

18 ноември 2024 - 09:04

Шампионот од 2016 година, Кливленд Кавалирс дојде до 15. победа во низа од почетокот на сезоната откако на домашен терен го совлада Шарлот со 128-114.

Со тоа Кавс стигнаа до биланс 15/0 со што го израмнија вториот најдобар старт на една натпреварувачка кампања. Пред оваа сезона, таков почеток имаа само уште Вашингтон Капитолс во сезоната 1948/49 и Хјустон Рокитс во 1993/94.

Рекордот го држи Голден Стејт со 24/0 во 2015/16, а сите три екипи во овие сезони стигнаа барем до финалето на НБА лигата. За да остане во игра за ова достигнување, Кливленд ќе мора во следниот меч да го совлада Бостон Селтикс и тоа на теренот на шампионот.