Јокиќ пак не играше, Денвер пак немоќен (ВИДЕО)

18 ноември 2024 - 08:16

Никола Јокиќ е еден од најдобрите кошаркари во историјата, па неговото отсуство би било од огромно значење во кој било тим, но Денвер без него изгледа како аматерска екипа и покрај тоа што пред помалку од 1,5 година ја освои шампионската титула во НБА.

Синоќа Нагетс го доживеаја вториот пораз по ред и повторно главната причина за тоа беше неиграњето на српскиот ас. Тој чека принова во своето семејство и во моментов е покрај својата сопруга, а без него Денвер загуби на гостувањето кај Мемфис со 90-105. Тимот од Колорадо беше конкурентен во првата четвртина, дури имаше и предност од осум поени, но Мемфис брзо ги презеде иницијативата и контролата над резултатот и отиде на двоцифрена разлика која не ја испушти до крајот.

Покрај Јокиќ, не играше ни Ерон Гордон, а ниеден од стартерите на Денвер не постигна повеќе од 13 поени, колку што имаа Мареј и Браун, а најефикасен во тимот беше резервниот играч Џулијан Струтер со 19. Кај Мемфис, Џерен Џексон постигна 20 поени, а Велс постигнс 15.

Овие две екипи ќе се сретнат и утре вечер, повторно во Мемфис, а како што стојат работите, Јокиќ повторно нема да биде во тимот на Нагетс.

РЕЗУЛТАТИ
Минесота - Феникс 120-117
ЛА Клиперс - Јута 116-105
Чикаго - Хјустон 107-143
Њујорк - Бруклин 114-104
Оклахома - Далас 119-121
Кливленд - Шарлот 128-114
Мемфис - Денвер 105-90
Портланд - Атланта 114-110
Вашингтон - Детроит 104-124