Најголемата мистерија на НБА драфтот – „кинескиот Јокиќ“! (ВИДЕО)

26 јуни 2025 - 16:36

Изминатата вечер беше одржан НБА драфтот, а во него внимание привлече кинескиот кошаркар Јанг Хансен кој беше избран од Мемфис како 16. пик.

Станува збор за кинески центар кој беше избран за најдобар дефанзивец во првенството на Кина, а во изминатата сезона имаше просек од 16.6 поени, 10.5 скокови, три асистенции и 2.6 блокади по натпревар.

Висок е 218 сантиметри и според предиспозициите со 20 години може да се носи со центрите во НБА лигата. Дел од американските медиуми веќе и му го дадоа прекарот „кинескиот Јокиќ“.

Портланд го трејдуваше, го сакааа, но ризикуваа бидејќи не очекуваа да биде избран како 16. пик. Во предвидувањата се очекуваше Хансен да биде избран околу 40-тата позиција.