Дончиќ се стопил - летово ослабел 14 килограми

08 август 2025 - 09:49

По низата критики дека е премногу „дебел“ и дека тоа била причината за трејдот од Далас во Лејкерс, словенечката суперѕвезда Лука Дончиќ одлучи да им ги затвори устите на сите критичари чија главна преокупација не се неговите игри на теренот, туку физичката состојба.

Поради тоа, летово даде се од себе за да ја достигне најдобрата форма, а резултатите од тоа се очигледни. Последните информации зборуваат дека од крајот на последната сезона во НБА, кошаркарот на Лос Анџелес Лејкерс симнал дури 14 килограми, а поголема му е мускулната маса.

Во моментов Дончиќ е на подготовки со словенечката репрезентација пред Европското првенство кое почнува на 27 август. Таму најдобро ќе се види дали намалувањето на килограмите ќе придонесе за негова подобра игра.