Гарначо одби богата понуда од С. Арабија, во мислите му е само еден клуб

26 август 2025 - 19:16

Аргентинскиот репрезентативец Алехандро Гарначо ќе го напушти Манчестер јунајтед ова лето, а како негова следна дестинација се споменува Челси, иако веќе доби неколку понуди од други клубови, но истите веднаш ги одби.

Гарначо е отпишан кај тренерот Рубен Аморим на „Олд Трафорд“, а очигледно не сака да игра ниту во Саудиска Арабија, од каде што претходно одбил богата понуда и чека наскоро да биде комплетиран неговиот трансфер во Челси.

Светскиот клупски шампион долго време го сака Гарначо и веќе почна преговори со „црвените ѓаволи“, но остануваат одредени финансиски детали кои треба да бидат комплетирани.

Фото: Facebook/Manchester United