Фенер прокоцка плус 22, Олимпијакос со звукот на сирената го среди Макаби (ВИДЕО)

16 октомври 2020 - 22:04

Неверојатен меч се одигра во Истанбул, каде што домашниот тим Фенербахче загуби на сензационален начин од Наерн Минхен (71-75) и тоа откако имаше предност од 22 поени уште во првата четвртина (27-5).

Турскиот тим почна фуриозно и најава можна катастрофа за гостите од Германија, што и беше сосема реално сценарио со оглед на резултатот на полувремето (45-25). Но, Баварците заиграа фантастично во одбраната и полека, но сигурно почнаа да ја топат предноста на Фенер, за на крајот дури и да дојдат до триумф. Владимир Лучиќ со 18 поени беше најпрецизен кај Баерн Минхен, додека Јан Весели со 25 поени и осум скока беше најдобар кај домаќинот.

Драматично беше и во Атина, каде што црвено-белите од Пиреј го совлада Макаби Тел Авив (85-82) со тројцата на Арон Харисон со звукот на сирената. Претходно, Алба Берлин дојде до прв триумф по две децении против ЦСКА и тоа среде Москва (93-88).