Белград ќе ги пречека најдобрите четири екипи во Лигата на шампионите
Престолнината на нашиот северен сосед во 2018 и 2022 година беше домаќин на Ф4 од Евролигата, па ова ќе биде уште еден кошаркарски спектакл што ќе се одржи таму. Информацијата дека завршницата ќе се игра во Белград е изненадување дури и за српските љубители на кошарката бидејќи немаше најави дека тој е во конкуренција за организација на турнирот.
Четирите екипи кои ќе учествуваат на Ф4 ќе се знаат кон средината на идниот месец, по четвртфиналните дуели за кои ждрепката беше одржана денеска.