Куманово по победата над Пелистер доживеа дебакл од МЗТ!

Кошаркарите на МЗТ Скопје одиграа одличен натпревар и славеа убедливо над Куманово во рамките од 15. коло во Првата лига ...

Куманово во натпреварот против шампионот влезе по триумфот над Пелистер во претходното коло, но денеска едноставно не беа дораснат противник на „штрковите“.

Рамноправен противник домаќините најмногу беа во првата четвртина во која во финишот МЗТ сепак дојде од предност од седум разлика (19-26). Таа предност гостите лесно ја чуваа и во вториот дел, па на одмор заминаа со 33-42.

Вториот дел донесе целосна доминација на МЗТ, Куманово не можеше да парира и водството на аеродромци растеше од минута во минута. Стигна МЗТ и до „плус 20“, а последниот период го започна со 46--64. Кога веќе беше јасно каде одат бодовите од оваа средба МЗТ во последната четвртина рутински го заврши натпреварот..

Тадиќ од редовите на домашниот состав беше најефикасен со 28 поени, додека кај МЗТ се издвојуваше Крстевски со 26 поени. На табелата МЗТ со победата се врати на врвот со бод предност пред ТФТ Скопје кој има 26 бода.

Во вториот натпревар во истиот термин победа славеше Шкупи над Вардар со 115-95, На оваа средба посебно се истакна  Американецот Секој Сила кој постигна 46 поени и додаде 24 скока.