Гостивар отпушти еден и веднаш си најде – нов Американец!

30 март 2022 - 22:34

Трите порази во низа во домашното првенство, кои дојдоа по претходната серија од седум победи по ред, донесоа нервоза во таборот на Гостивар, чија управа вината за неуспехот ја најде кај последното засилување, Американецот Кевин Дилард, со кого експресно беше прекината соработката.

Но, тоа не значи намалување на бројот странци во овој тим, со оглед што веднаш беше ангажиран неговиот сонародник, Шејн Гетлинг (24 год, 188 см), кој исто игра на бековската позиција. За него ова ќе биде втор европски ангажман во дебитантската професионална сезона, откако до скоро играше за босанскиот тим Промо, каде што на 19 средби просечно реализираше 19,3 поени, 3,6 скока и 4,2 асистенции.

Неговото деби се очекува уште в сабота, кога Гостивар го пречекува лидерот на табелата, тимот на Пелистер.